首頁 即時娛樂

松岡李那著性感羽毛裝色誘 張建聲:拍得頗辛苦

19/04/2019 19:54:00
張建聲在戲中與松岡李那有親熱戲。 《作家的謊言:筆忠誘罪》發相
張建聲在戲中與松岡李那有親熱戲。 《作家的謊言:筆忠誘罪》發相

改篇自本地最強網絡作家向西村上作品之向西三部曲最終章《作家的謊言:筆忠誘罪》,已定於6月20日在港正式上映,為暑期檔響頭炮。《作家》故事內容講述張建聲 ( Justin ) 飾演的作家徐哲,表面係有妻有女的幸福暖男,實情卻係搞埋主動又熱情的美女住客松岡李那,滿肚密圈的松岡更加登堂入室挑戰正印何珮瑜 Jeana,一副誰怕誰戰鬥格。不過色字頭上一把刀,Justin 結果惹來一身蟻。

《作家》首條官方預告片及海報今日曝光,片中有松岡僅穿性感胸圍內衣、披上羽毛的誘人天使造型,美女當前,Justin 平租寓所樓上筍盤都冇所謂,以為近水樓台收埋小三食好西,豈料兩人在家依揖被 cam 偷拍,之後 Justin 更發現原來所有事情都係一個局,松岡一開聲就勒索一千萬,但勒索背後又層層佈局,誰係大話精誰又係終極 Big Boss?一切都出人意表。

Justin 在戲中前期與松岡及 Jeana 都分別有親熱戲,令不少男士羨慕,但 Justin 說:「呢套係懸疑驚慄片,解片同估邊個係兇手先係重點。小弟入行到依家拍咗幾部三級片,最勁係《一路向西》,所以唔係話享唔享受,係觀眾睇得舒唔舒服,其實係拍得頗辛苦,又要借位,之前又要排戲,同埋唔好有咁多 NG。」

之前《作家》舉行過4次試映,電影公司在收集意見後亦曾作適當修改,身為監製之一的 Justin覺得能吸收不同年齡層觀眾的看法是好事,「我好深刻係有次喺大學試映時,啲學生睇到一啲我哋睇唔到嘅地方,比如 VO、剪接或者劇情上消化唔嚟嘅意見,我哋有修正,我由第一次配 VO 到依家都配咗4次,不停收正觀眾對部戲睇法,好幸運係佔 80 至 90 %嘅人睇完試映後都係正評,真係喜出望外。懸疑片係香港係好難拍,都要橋靚、觀眾睇得舒服,到上映時希望都係咁正評同票房好啦。」

《作家的謊言:筆忠誘罪》發相
《作家的謊言:筆忠誘罪》發相
《作家的謊言:筆忠誘罪》發相
《作家的謊言:筆忠誘罪》發相

《作家的謊言:筆忠誘罪》發相
《作家的謊言:筆忠誘罪》發相
《作家的謊言:筆忠誘罪》發相
《作家的謊言:筆忠誘罪》發相

《作家的謊言:筆忠誘罪》發相
《作家的謊言:筆忠誘罪》發相
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd