首頁 即時娛樂

張敬軒馬國演唱會抱恙上陣 「粉絲力量」助開聲

03/05/2019 21:30:00
張敬軒於馬來西亞雲頂舉行「Hinsideout」演唱會。
張敬軒於馬來西亞雲頂舉行「Hinsideout」演唱會。

張敬軒日前於馬來西亞雲頂舉行「Hinsideout」演唱會全場爆滿。為照顧馬來西亞的歌迷,軒仔特別安排一套新歌衫,而且歌單上的歌曲亦稍作調整,加插了一些國語歌,如《過雲雨》、《想你想得好孤寂》等,十分貼心。

演唱會上,軒仔換上多套靚衫,又唱又跳十分賣力,台下歌迷亦非常熱情,幾乎由開場嗌到完場。期間有歌迷向住軒仔大叫:「你好靚仔呀!」軒仔笑回:「多謝你哋日行一善。」全場爆笑。

兩小時的演唱會中,軒仔施盡混身解數,但原來他剛抵埗馬來西亞就病倒,他在台上表示:「呢件事我覺得實在太奇妙!所以想同大家分享。我落機時突然間覺得喉嚨痛痛哋,第二朝瞓醒就冇咗把聲,喺酒店房好徬徨,因為作為一個歌手冇咗把聲,而第二晚就要開show,冇聲點算呢?」佢話主辦單位好貼心,擺咗暖水等各種「醫療設備」喺佢房,「我都不斷祈禱,今晚開得番聲唱歌。當然好大部份力量係嚟自你哋(觀眾),謝謝大家!」

第一次encore,軒仔唱出《斷點》、《Hurt So Bad》、《只是太愛你》及《餘震》等經典歌曲,唱完《My Way》後,演唱會結束,不過場館雖然爆燈,但一眾歌迷依然唔肯走繼續大叫encore,於是軒仔再次出場,唱出《愛情無關是非》及《煙雨斜陽》,兩次encore後演唱會圓滿結束。

為照顧馬來西亞的歌迷,軒仔特別加插了一些國語歌。
為照顧馬來西亞的歌迷,軒仔特別加插了一些國語歌。
軒仔換上多套靚衫,又唱又跳十分賣力。
軒仔換上多套靚衫,又唱又跳十分賣力。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd