首頁 即時娛樂

對住女仔勁細膽 徐浩昌:我係勁淆底嘅垃圾嚟!

23/05/2019 21:08:00
肥腸直認對住甜美可人的 Christy 拍戲有「心跳」。
肥腸直認對住甜美可人的 Christy 拍戲有「心跳」。

原創本土劇《向西聞記》自從在 NETFLIX 及 hmvod 上架後,至今網上總點擊已高達 200萬,成績驕人。

當中單元《因為寂寞所以健身》,涉及累到人雞毛鴨血的倫敦金及健身會籍問題,飾演 IT 狗的徐浩昌 ( 肥腸 ) 因偷戀靚女黎紀君 ( Christy ) 而健身操 fit,希望變大隻佬贏得青睞,但事與願違,反變水魚被健身院騙錢,最後更連環中伏。

肥腸直認對住甜美可人的 Christy 拍戲有「心跳」加速,「我由拍完套戲,到煞科飯、慶功宴、首播禮所有活動,加埋同佢講唔夠十句嘢,我係對住女仔嗰啲勁細膽勁淆底嘅垃圾嚟架。」反而 Christy 就不會對肥仔卻步:「可能我係人馬座,好多嘢憑感覺,肥腸喺戲入面為追阿純 ( 其飾演角色 ) 特登去做健身改變自己,呢樣嘢我係幾欣賞。如果真係有個男仔為咗追我而好努力去改變一樣佢好難改變嘅嘢,係會好吸引到我,希望我可以快啲搵到呢個人啦。」

提到現今社會騙案曾出不窮,投資、股票、健身院、美容院等,都令不少人誤墜陷阱,Christy 表示曾收過自稱入境處人員來電,幸獲媽媽提醒未有中招,「嗰個人話係入境處,話我嘅身份證明文件被人盜用,要我俾錢去辦領,當時我好驚,半信半疑,好彩媽咪喺隔離聽到就叫我收線,話好明顯係呃人電話,自此之後我都小心。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd