首頁 即時娛樂

18歲大個女 黃淑蔓首嘗Tube Top魚網襪

03/06/2019 13:08:00
Feanna著Tube Top和魚網襪都沒問題,但難搞是著高跟鞋。
Feanna著Tube Top和魚網襪都沒問題,但難搞是著高跟鞋。

「寰亞孻女」黃淑蔓(Feanna)於本月8日將踏入18歲快樂生辰,公司特別在她生日當天發行其首張個人專輯,為「成人禮」揭開序幕!
不過拍攝唱片封套時Feanna遇上大麻煩,一時全身僵硬像個機械人,一時又蹦又跳自由自在,問題全因高跟鞋。
Feanna說:「18歲,變大人就要試以前未試過的,但最悽慘當然係要著高踭鞋,究竟邊個發明高踭鞋呢?著咗之後對腳好似唔係自己咁,擺唔到甫士,一唔著我就全身都好free,著咗好虐待啊。」她還因快將成人情緒波動,複雜得來又帶點遐想,例如:「一直希望快啲成年,幻想自己可以去邊可以做乜,覺得18歲就好了,但依家倒數階段了,反而擔心自己變大人之後,怕冇咁多人錫我,做事唔犯得錯,變大人要自己負責任,所以依家會想唔好咁快18,想17歲多一年先,可以再玩吓。」
話雖如此,Feanna還是十分期待18歲到來,因為她將會收到人生中最大的一份生日禮物。她解釋:「我今年生日就會出我第一張唱片專輯,會記錄我由14歲到18歲所經歷過的人同事,8首歌當然會包括《差一點我們會飛》,因為係呢隻歌帶我入樂壇,令我可以勇敢去追夢,同時亦都會用呢首歌嘅成長慨念去發展成張唱片。最特別係呢張唱片出名又大又重,不少電台DJ收到之後都話好特別啊!不過依家先賣個關子,希望6月8號可以畀大家一個驚喜。」因為大個女了,新唱片亦嘗試擺脫Feanna文青少女形象,其中兩款西裝外套併tube top及她從未試過的魚網絲襪造型,相信會令歌迷眼前一亮。
當日公司更特別為Feanna舉行一個生日音樂會,為「成人禮」揭開序幕,屆時會請來她的家人、朋友、同學一起見證她的成長。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd