首頁 即時娛樂

設計女友孖阿蕭亮相節目 洪永城:傾我同翠如做緊乜

16/06/2019 16:25:00
洪永城坦言跟黃翠如各有另一半,見面減少。
洪永城坦言跟黃翠如各有另一半,見面減少。

洪永城(Tony)出席日本旅遊活動,問到有否統計去過多少地方?他指約有60多個,稍後他將與黃翠如澳洲拍攝旅遊節目,首次到訪阿得萊德作自駕遊。

提到翠如表示好可能二人是最後一次合作節目?Tony笑言:「佢真係倒米啦,觀眾鍾意都會繼續做㗎,點會係最後一個,但佢冇乜時間,愈來愈難夾期係真嘅,始終大家都有另一半,我都要陪女友。(有機會4人行做節目嗎?)冇諗過,但節目opening可以咁做,講阿蕭(蕭正楠)同我女友食飯,傾我同翠如做緊啲乜。」

問可有機會與女友做節目?Tony表示:「佢鍾意去日本㗎,今日嚟就係為鐵道遊取經,請教達人,唔止帶女友,可以帶屋企人。(兩家人去?)都可以喎!」Tony早前被影到與女友放狗,自嘲彎身是執狗屎不是求婚,他指剛剛接觸養狗,女友在此方面有經驗,會指導他如何正確教育狗狗。

另外,前港男梁裕恆揭楊明在群組爆粗,疑為香港上街事件表態,Tony表示有留意新聞,反問記者詳情,但因為不確定對方在甚麼群組發言,不方便評論事件。Tony表示很少參與群組討論,並說:「我啲數據都畀晒女友。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd