首頁 即時娛樂

患抑鬱想過輕生 姜麗文改變生活展自信:仲會去拍拖添

12/07/2019 14:16:00
姜麗文謂現在的她從未如此開心自信。
姜麗文謂現在的她從未如此開心自信。

姜麗文(Lesley)為新歌《念》宣傳,她表示此曲於6年前親自作曲,當時她有抑鬱症,最嚴重有輕生的念頭,不過此曲救她一命,令她停止有壞思想。她說:「呢個病唔會話走唔走出,依家我100%改變生活,早睡早起,食少糖,好大的運動量。」她說未試過有藝人患上抑鬱症可以坦蕩蕩說出來,所以想通過此曲跟大家分享。她說:「大家見到依家嘅我未試過咁開心同自信,依家我仲會去拍拖添!」
談到患上抑鬱症期間可有跟家人分享?Lesley謂有告訴哥哥姜文杰,但好多人不知道如何跟抑鬱症患者傾訴,其實千萬不要將其他人作比較,最重要去聆聽,而且鼓勵做運動。她認為患有抑鬱症絕非醜事,好似傷風感冒一樣普通。
至於爸爸泰沛被傳中風入院,Lesley再澄清:「大吉利是!我真係嚇親,都唔明點解咁傳?但好感恩好快停止。爸爸由泰國拍完戲返嚟,打畀佢仲食緊早餐。」對於哥哥為爸爸拍下連做16下掌上壓片段作澄清,她說:「幾勁!爸爸74歲,我覺得都係遺傳,都好熱愛工作同做運動。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd