首頁 即時娛樂

葉蒨文做嘉賓送高帽 Sammi獲讚腰細名氣大

15/07/2019 15:30:00
沙麗讚Sammi身材靚,特別是腳、腰和胸!
沙麗讚Sammi身材靚,特別是腳、腰和胸!

鄭秀文(Sammi)第3場紅館個唱,請來葉蒨文(沙麗)任表演嘉賓,升降台人員太渴望沙麗盡快跟觀眾見面,未待Sammi介紹已從台底升出,引來全場熱烈歡呼!Sammi說:「這次演唱會找的都是女嘉賓,但多數都年紀比我細,今晚終於可以找來一位前輩,我都可以叫聲佢阿姐。有請沙麗姐!」之後兩人亦互笠高帽,互相稱讚對方的身材苗條腰肢纖細。沙麗說:「你身材咁靚,特別係你對腳同條腰同埋個胸(全場震撼),你腰又細過我年紀又細過我,腰細但名氣大,介意話畀我知你條腰幾大?你要食多啲,以前同你排舞時,我食大大個包,你食細細條菜。」Sammi隨即謂:「我依家食多咗,因為有玩健身。」沙麗聞言安慰說:「我見到你咁健康,我都好開心。」
合唱過97年冠軍歌《談情說愛》後,沙麗趁Sammi往更衣時說,本來想唱自己的歌,但又怕大家不認識,說:「嗰日做Lam(林子祥)個騷,聽到佢唱一首歌,好『心動』到我,希望今日我唱都『心動』到你啦。」然後便唱出蘇芮的名曲《憑著愛》。
台下嘉賓還包括首場已出現,但昨晚帶同胞妹再看一次的鍾楚紅,另外還有王菀之、蘇永康、張衞健、梁漢文、周勵淇、張玉珊等。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd