首頁 即時娛樂

36歲生日深圳開騷 陳柏宇帶領全場唱生日歌慶祝

21/07/2019 19:48:00

陳柏宇(Jason)於昨日(20日)36歲生日深圳舉行演唱會,全場歌迷一起為他唱生日歌慶祝,令他開心又感動!
抱病上陣的Jason在台上坦言擔心病情影響演出,幸好綵排時一切順利,他笑向觀眾說:「不過對你哋嚟講都冇乜影響,因為你哋已經畀咗錢無得退,無論我把聲幾爛,你哋都要坐喺度聽。」觀眾聞言也笑着叫Jason「回水」。當 Jason 提起寶貝女Abigail與太太符曉薇 (Leanne)也有現場睇騷時,顯得份外精神,他再跟觀眾開玩笑說:「大家望我個女呢,又貴少少㗎喎,張飛會多廿蚊!」百厭的Jason更叫Leanne幫手遮囡囡的樣子,引得觀眾爆笑。
全晚的焦點當然是Jason生日,Jason也指今年的生日很特別,因為可以在演唱會中與一班粉絲度過,說:「人愈大愈發覺生日係唔需要去慶祝嘅,但有人同自己慶祝係開心嘅,今年生日又特別啲,喺演唱會中度過。」唱完《磚頭》後,現場大銀幕播出一班粉絲預先錄製生日送賀的短片,全不知情的Jason看完短片後,難掩感動,但隨即又笑言:「做咩成日都有啲嘢隱瞞住我,但又喺我演唱會度出現?」之後樂隊更奏起生日歌,Jason帶頭與全場歌迷歌祝賀自己,之後更與全場大合照作紀念。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd