首頁 即時娛樂

《包青天》畫面遭批似80年代水準 張振朗演展超被彈好唔掂

23/07/2019 15:03:00
劇照色彩完全沒問題,但出來畫面卻很復古,加上張振朗外形輸蝕,演展昭似欠說服力。(劇照)
劇照色彩完全沒問題,但出來畫面卻很復古,加上張振朗外形輸蝕,演展昭似欠說服力。(劇照)

無線劇集《包青天再起風雲》昨晚首播,劇集於新疆拍攝外景,網民都讚「沙漠外景好靚」、「認真過《回到三國》,起碼有駱駝」,但似乎是唯一好處。
有網民指「服裝、髮型、道具、色彩,80年代咁水準」、「個背景…好假囉,好似人哋80年代去影樓影相後面加張紙咁」,「睇慣《如懿傳》同《倚天屠龍記》靚人靚景靚畫面,睇呢套好頂唔順」。其實還有室內景打燈超醜,女演員白臉和包青天黑臉都呈現一撻撻不均勻;其中一場室內文戲景,鏡頭不停郁,睇到觀眾頭暈,是甚麼新穎拍攝手法呢?
演員方面,張振朗演展超,外形上不單連他初接這劇時自覺好笑,網民都話「好唔掂」,「譚仔(譚俊彥演包青天)騎馬都幾叻,全部親身上陣」、「但頭先睇展超上馬完全唔掂」、「未見過咁削展超」、「開封七子看上去最唔好打係佢,連曹永廉都大隻過佢。佢去保護貌似好抽得嘅包公實在可笑」等。

譚俊彥親身上陣騎馬。(劇照)
譚俊彥親身上陣騎馬。(劇照)
張振朗單是這上馬戲,經過剪接了仍很牽強。(截圖)
張振朗單是這上馬戲,經過剪接了仍很牽強。(截圖)

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd