首頁 即時娛樂

蔡一傑談「另一半」:唔可以離開佢!

18/08/2019 16:19:00
蔡一傑日前接受香港開電視訪問。
蔡一傑日前接受香港開電視訪問。

將首次舉行個人音樂會的蔡一傑,日前接受香港開電視訪問,還大玩外國流行的自動輸入式採訪,解答網民對他最關注的問題,當中包括何時開騷、師傅是誰等等。而對於傑仔的另一半,他亦很樂意與大家分享:「我覺得係舞台,我好愛佢,好錫佢,唔可以離開佢!我係會同舞台結婚嘅人,因為實在太鍾意喺台上演出,同樂迷分享我嘅喜怒哀樂!」

傑仔形容這次處男騷就像結婚一樣,但要將「婚禮」辦得有聲有色,當然不少得好友伍詠薇幫忙,傑仔透露:「伍姑娘上唔上台就未知,不過佢一早報咗名,到時會負責帶位、迎賓、茶水,好多嘢要做,仲已經問我拎定工作證添!」

傑仔又預告,屆時會唱一首師傅梅艷芳的歌,他表示選歌過程遇到很大困難:「佢嘅歌好難揀,好多歌只有師傅先唱到果種味道,而最後我揀嘅果首歌,亦係自己嘅心聲!我希望將呢個音樂會送俾佢,畀佢見到我今日做到屬於自己嘅音樂會!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd