首頁 即時娛樂

容祖兒講「調」字 Supper Moment:我聽咗另一個字呀

23/08/2019 20:59:00
容祖兒17場演唱會,Supper Moment做嘉賓
容祖兒17場演唱會,Supper Moment做嘉賓

容祖兒昨晚第17場演唱會,在介紹嘉賓之前,祖兒就話日日打電話詢問她當晚是邊位嘉賓,不滿地說:「現在嘉賓係主菜,定我先係主菜,豈有此理!哈哈。我話畀大家聽,我今日唔畀主菜你哋食,直接畀個宵夜你哋嘆,準備好未?」然後Supper Moment 就升上來,觀眾馬上瘋狂歡呼,Sunny話,「永遠係香港嘅主菜,容祖兒!」繼而在觀眾瘋狂歡呼聲中,與祖兒合唱《幸福之歌》。

唱完歌,祖兒見觀眾超開心,於是話:「完全感受到Supper Moment啲威力!」Sunny就話: 「我哋Supper Moment第一次紅館四面台,係因為你呀容祖兒!」「唔好客氣,係我光榮。今次第一次合作,大家覺得點?我知大家好熟佢哋,我都要鄭重介紹一下Supper Moment四個靚仔又有才華的樂手。我今日先知Sunny叫仕燊,你時薪幾多?」

「我心裡最想合作伙伴單位,請晒來,今日大家見到係Supper Moment ,即刻問可不可以調.....即係問可不可以調來睇.....」Sunny呆一呆未反應得來,之後先笑住話,「哦,調,我聽咗另一個字呀,哈哈哈....畀人調喎....」引得全場都一齊大笑。「哎!我真係唔好講太多,哈哈哈.....你係咪有禮物送畀我?」Sunny:「係呀,我今日終於可以喺容祖兒面前告解!」觀眾一聽《告解》兩字即開心歡呼,祖兒就話,「真係連霆鋒來嗰晚都冇唱呀。」Sunny就話:「放心,我會盡量用謝霆鋒嘅腔口唱!」

此外,祖兒昨晚登上紅磡360高空吊車,第一首歌就揀了《他都不愛我》,料不到與她合唱這曲的吳浩康竟然坐在山頂位睇騷,大會馬上畀支咪阿Deep,阿Deep也不客氣,大方唱了一段,獲得不少掌聲。唱到演唱會最後安歌時段,祖兒同觀眾邊傾偈握手時,突然見到有一位女觀眾狂哭,祖兒馬上上前問,「咩事呀,你乜事呀你?」其他觀眾話: 「佢求婚呀」。祖兒搞笑問:「你騎劫我個場求婚,你上嚟啦一係,逼喺嗰度。」但個女歌迷就只係識得繼續喊爆,祖兒唯有做埋主持人,「你哋唔好咁過份喎.....係咪求婚?點解咁突然?畀我睇下你隻戒指大唔大隻先,都ok喎,咦,英皇珠寶?你係咪臥底呀,哈哈哈......」然後祖兒同女歌迷講,「載咗佢啦! 錫啖先啦、打個車輪先,恭喜晒!」女歌迷拿住花喊住同祖兒講,「花以為送畀你」,祖兒話,「係屬於你架啦,我心領啦,我送首《華麗邂逅》畀你啦,祝你哋永結同心,恭喜晒生多幾個。」

昨晚,曾華倩,黃又南,C AllStar的陳健安,Robynn & Kendy的孫曉慧,古巨基都均有來捧場。

容祖兒17場演唱會,Supper Moment做嘉賓
容祖兒17場演唱會,Supper Moment做嘉賓
容祖兒17場演唱會,Supper Moment做嘉賓
容祖兒17場演唱會,Supper Moment做嘉賓

祖兒介紹Supper Moment成員
祖兒介紹Supper Moment成員
祖兒介紹Supper Moment成員
祖兒介紹Supper Moment成員

吳浩康與祖兒合唱
吳浩康與祖兒合唱
祖兒登上紅磡360高空吊車
祖兒登上紅磡360高空吊車
吳浩康與祖兒合唱
吳浩康與祖兒合唱
古巨基都有到現場
古巨基都有到現場
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd