首頁 即時娛樂

相隔19再拍MV感覺返晒嚟 蔣嘉瑩期待明晚跟小師妹開騷

26/08/2019 13:54:00
蔣嘉瑩與小師妹施匡翹合唱並合作開騷。
蔣嘉瑩與小師妹施匡翹合唱並合作開騷。

蔣嘉瑩(Vivian)當年憑著亞視經典劇《我和殭屍有個約會II》主題曲《假如真的再有約會》成名,其後為了學業而放棄繼續在歌壇發展,相隔19年,已為賢妻良母的Vivian最近東山復出,簽約再當歌手,且與23歲同門小師妹施匡翹(Zaina)首次合作,灌錄成名歌女女合唱版,並於明晚(27日)雙雙舉行音樂會。
早前與小師妹為合唱版到石澳拍攝MV,Vivian說:「合唱版MV講述我哋兩個不同年代嘅愛情故事,穿插於平行時空,將兩個時代融合,拍出嚟效果好好,我好鍾意。」

相隔19年再拍MV,Vivian開心說:「好興奮,一埋位就感覺返晒嚟,要一讚施匡翹雖然係新人,佢好有天份,第一次拍MV已經好投入,我哋基本上每個鏡頭都是拍2、3 Take就搞掂,雖然拍攝當日有少少阻濟,早上拍攝時落雨,但我哋唔理繼續照拍。」

小師妹Zaina感謝師姐帶入戲,又教她好多,笑言:「同師姐合作初時好緊張,但佢好隨和,又肯教我,好快就冇晒壓力,好期待明晚(27日)音樂會,我已經日日練歌,及做運動,希望第一次唔好令大家失望啦!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd