首頁 即時娛樂

梁靖琪穿高踭鞋籌款由老公傍實 要安胎延期探訪柬埔寨

18/09/2019 15:36:00
梁靖琪與丈夫施雋賢出席慈善晚會。
梁靖琪與丈夫施雋賢出席慈善晚會。

藝人梁靖琪(Toby)與丈夫施雋賢(Jon)、鍾麗淇(Margaret)、吳佩慈及蔣怡等人日前到中環出席活動為國際慈善團體AIM(Agape International Missions)晚會籌款拯救一班柬埔寨雛妓。

剛宣佈懷孕的 Toby 身穿紅色晚裝及三吋高踭鞋赴宴,丈夫 Jon 與好姊妹 Margaret 全程化身「左右護法」傍實,宣佈佗 B 後首次出席公開活動的 Toby 表示,健康狀態十分好,故身體力行支持慈善,為 BB 進行胎教:「依家習慣每個星期會同丈夫去教會,每晚都會祈禱,希望 BB 聽多啲我哋講嘢,帶佢做多啲慈善工作。今年因為要留喺香港安胎去唔到柬埔寨再做探訪,不過已報咗名下年再去,唔知到時會唔會帶埋小朋友去做義工呢?」

問到丈夫可有對她穿高踭鞋有微言?Toby 笑言:「我老公非常煩,由我開始話要著高踭鞋之後,佢就上網係咁睇孕婦幾時唔著得高踭鞋,係咁叫我買過對鞋,所以今晚我行去邊,佢應該會跟我去邊,哈哈。」

Toby 又講到自己即將榮升媽媽,特別關注小朋友的教育:「知道 AIM 有創辦專門嘅學校為有需要嘅小朋友提供免費教育,依家有超過 500 個學生。」她希望可以籌更多錢幫到更多小朋友。

梁靖琪及好友鍾麗淇陪同下出席晚會。
梁靖琪及好友鍾麗淇陪同下出席晚會。
梁靖琪(左二)與丈夫施雋賢(左一)出席慈善晚會。
梁靖琪(左二)與丈夫施雋賢(左一)出席慈善晚會。

晚宴上的小禮物是柬埔寨被拯救的女孩以手指印製成
晚宴上的小禮物是柬埔寨被拯救的女孩以手指印製成

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd