首頁 即時娛樂

未婚夫特准性感 Jessica@SG預告著Deep V婚紗出嫁

24/09/2019 13:20:00
Jessica話出當日著的Deep V婚紗更性感。
Jessica話出當日著的Deep V婚紗更性感。

Super Girls(SG)成員蔡明思(Jessica)今年4月與拍拖近6年的圈外男友陳冠 (Steven)訂婚,並將於下月27號在台北的酒店擺婚宴,邀請親朋好友見證人生另一頁。距離婚禮還有一個月時間,今日Jessica先向各方親友送上嫁女餅,同時附上一張印有二人於日本拍攝婚紗相的卡,卡上還有二人英文名Jessica及Steven的縮寫「JS」的logo。

Jessica透露早前於日本米子市拍攝以大自然為主題的婚紗相,今次帶了3套婚紗過去日本,其中在沙灘穿上的露背開胸超性感婚紗。她說︰「拍攝的婚紗佢(未婚夫)冇特別畀意見,冇唔畀性感,而且影的婚紗唔係結婚當日嗰套,反而結婚套婚紗都好性感,幾Deep V,我都有問佢如果著呢套OK嗎?可能有長輩比較傳統,未必太鍾意。佢就話唔使諗咁多,乜都OK。」

雖然未婚夫對婚紗冇要求,但Jessica笑言在拍攝當日對方「煩過女人」,笑說︰「佢成日都好chok,連攝影師都頂唔順,成日笑佢『得㗎喇,可以出道喇』。因為佢對於自己影的相好有要求,當攝影師只係影緊我,佢就不斷在旁邊擺甫士,攝影師見到就唔好意思唔理佢,走埋去同佢影幾張相。」

Jessica透露未婚夫比自己更緊張拍攝效果,搞到她當日累到唔想再影,說︰「佢有好多idea,畀好多參考圖攝影師睇,不過佢就樂在其中,比女仔要求更多。雖然今次係幾好玩,不過因為佢好多要求,影到我好累,我同佢講唔好再影,佢就會話『我人生得一次,你好好配合我啦』,反而係男仔咁同女仔講,都幾好笑!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd