首頁 即時娛樂

【頭條獨家】 Quit社交網 退下火線 黃秋生隊啤開心吹水

23/10/2019 21:30:00
秋生兩杯落肚好relax,談笑風生時笑得開懷。
秋生兩杯落肚好relax,談笑風生時笑得開懷。

三度獲封影帝嘅黃秋生,喺社交網誌好活躍,不時發表大膽言論,直腸直肚。但早前佢卻突然宣佈「棄玩」,坦言覺得好攰,跟大家說再見。其後,秋生火速轉玩純英語嘅社交網,感覺更自由同和平,一身安樂晒啦!日前晚上,呢位藝術家脾氣嘅影帝約咗男女友人去大坑飲酒gathering。見戴上牛仔帽嘅佢,吹水3小時好風騷,笑容滿面又手郁郁,似足開talk show。 採訪 : 李維隆、張詠森

見秋生滔滔不絕又動作多多,其間肉緊右手捉左手腕,似分析緊捉人情況喎!
見秋生滔滔不絕又動作多多,其間肉緊右手捉左手腕,似分析緊捉人情況喎!
近排發福不少嘅秋生,除帽後露出包包面。
近排發福不少嘅秋生,除帽後露出包包面。

集影帝、視帝、劇帝於一身嘅58歲黃秋生,早排同梁祖堯、徐天佑等演出舞台劇《尋常心》後,又為好朋友嘅《林海峰是但噏Happy Monday 2019》做特別嘉賓。在Encore嘅party環節上,見秋生脹咗成個碼、穿上金色西裝現身紅館舞台,化身「黃經理」聲嘶力竭大唱rock歌,又表演口風琴。尾場順利演出過後,Jan仲爆秋生第一次綵排後,細細聲跟佢講可以搞個演唱會,不過秋生聽罷即說已打消念頭,大呻唔容易。


近日轉玩純英語社交網嘅秋生,坦言:「It's more freedom,peaceful and reasonable here(意指更自由及和平等)。」做人更輕鬆自在,平日一臉嚴肅嘅佢笑容自然多咗啦。日前晚上8時左右,見秋生戴上牛仔帽、英氣十足咁同女助手Moon、以及一男一女友人去大坑嘅酒吧happy hour。面向大街坐嘅秋生一邊隊啤;一邊happy吹水,唔經唔覺已暢飲幾杯。酒精落肚,秋生表現寧舍風騷,開始手郁郁,指手劃腳大動作傾偈,只見中女友人和長髮男友人不時點頭大笑,似乎好認同秋生說法。

秋生與中女友人及女助手同車離開。
秋生與中女友人及女助手同車離開。
8月尾,秋生撰長文以「我癐(攰)啦」為由唔再玩facebook。其後重返母校香港演藝學院嘅分享會時表示棄玩「是私人問題,是有點情緒」。
8月尾,秋生撰長文以「我癐(攰)啦」為由唔再玩facebook。其後重返母校香港演藝學院嘅分享會時表示棄玩「是私人問題,是有點情緒」。

High到除帽散熱
一行四人食吓小食歎啤酒,男女友人不時行出門外食煙叉電,但秋生3個鐘只食了兩支煙,煙癮明顯唔大。其間,秋生飲到面紅紅,要除帽散熱。直至11時許,眾人起身走人,有酒客趁機搵影帝合相,秋生都來者不拒,影完齊齊行去街頭搭的士,長髮男友人送秋生及兩女上車後再獨自離開。

秋生今年憑《淪落人》三度奪得金像獎最佳男主角,並帶動電影高收2千萬票房。
秋生今年憑《淪落人》三度奪得金像獎最佳男主角,並帶動電影高收2千萬票房。
上月,秋生任林海峰talk show嘉賓,發福嘅佢一出場唱rock歌,掀起全晚高潮。
上月,秋生任林海峰talk show嘉賓,發福嘅佢一出場唱rock歌,掀起全晚高潮。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd