首頁 即時娛樂

【頭條獨家】冇仔陪自己抬行李 余思霆搭飛機玩下衣失蹤

06/11/2019 19:36:00
一個女仔搬咁多行李,難怪身邊位男旅客都望望思霆。
一個女仔搬咁多行李,難怪身邊位男旅客都望望思霆。

17年憑國際中華小姐奪冠入行的余思霆,雖然有樣有身材,但係台灣人講廣東話自然麻麻哋,所以入行以來演出機會唔算多,但感情生活卻相當精彩,繼同天堂鳥成員Tyrese(歐喬鋒)拍拖後,今年5月再認愛朱敏瀚。不過總有冇仔陪嘅時候,日前見佢單拖落機要親自抬行李,但憑住玩下衣失蹤依然有睇頭。採訪:杜淑霞

就咁睇,思霆下半身真係幾誘人㗎!
就咁睇,思霆下半身真係幾誘人㗎!
日前思霆在社交平台貼出男友視角相,擺明同朱敏瀚公開放閃!
日前思霆在社交平台貼出男友視角相,擺明同朱敏瀚公開放閃!

思霆早年於台灣花蓮成長,曾獲得三屆《台北市青年杯花式溜冰比賽》外縣市組冠軍,13歲移民紐約入讀當地藝術高中Professional Performing Arts School,主修舞蹈(花式滑冰),後來再到紐約州立大學奧爾巴尼分校升學。

樣靚身材正的思霆,亦唔介意經常向大家派福利。
樣靚身材正的思霆,亦唔介意經常向大家派福利。
思霆跟朱敏瀚合作《好日子》演表姐弟,因而撻着。
思霆跟朱敏瀚合作《好日子》演表姐弟,因而撻着。


晒腿夠養眼
16年,思霆參選《紐約華裔小姐競選》時,獲得冠軍、最上鏡小姐、網上最受歡迎小姐及最佳晚裝演繹獎,17年再代表紐約返港參加《國際中華小姐競選》勝出入行。奪獎不久,思霆即被爆戀情,有傳媒影到她當街跟Tyrese咀嘴,不過今年5月她再被爆早於去年初跟朱敏瀚合作劇集《好日子》時撻着,更有指她一腳踏兩船。思霆戀情精彩,但工作量唔算多,主力做主持。

工作唔多,思霆鍾意幾時飛都冇問題啦!日前見她單拖坐飛機由台灣返港,可能是返鄉下探親關係,見她攞行李時大包小包,由於冇男友喺身邊,要親自枱上枱落都幾辛苦,不過上身包到實的她,竟然玩下衣失蹤,露出一雙長腿,就算素顏戴住眼鏡,依然相當養眼。

跟Tyrese拍拖時,思霆還親自支持天堂鳥演出的舞台劇《我和青天有個秘密》。
跟Tyrese拍拖時,思霆還親自支持天堂鳥演出的舞台劇《我和青天有個秘密》。
思霆代表紐約參加17年的國際中華小姐,擊敗季軍的馮盈盈奪冠。
思霆代表紐約參加17年的國際中華小姐,擊敗季軍的馮盈盈奪冠。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd