首頁 即時娛樂

【TVB黑仔王】台慶綵排遇飛來橫禍 張振朗:我頂得住

19/11/2019 00:09:00
當年喺屯門飛來横禍,坐白車入院
當年喺屯門飛來横禍,坐白車入院

隨著電視劇《牛下女高音》畀無線放行,仲做埋台慶劇,張振朗辛辛苦苦拍出嚟嘅作品唔使做倉底貨,兼且收視有26點,叫好叫座,張振朗梗係開心,仲諗住終於可以摵走「地獄黑仔王」封號,點知人算不如天算,諗都諗唔到昨日綵排無線台慶《珍惜香港發放娛樂TVB52年》時又「中獎」,其中一部吊臂錄影機從天而降,傳聞意外撞向張振朗頭部和另外一位無線訓練班學生,受傷一刻嚇親在場所有人,無線即安排二人送院檢查傷勢,好彩只傷及肩膊,且冇斷骨,傷勢不大,回家休息後今日繼續開工。張振朗接受本報記者訪問時報平安,他語帶輕鬆說:「唔使擔心,多謝關心,無撞到個頭講得咁誇張嘅,撞到個膊頭啫,所以頂得順嘅。」

當年受傷後撐枴杖開工。
當年受傷後撐枴杖開工。
拍《包青天》期間曾多次墮馬。
拍《包青天》期間曾多次墮馬。

32歲張振朗係容易受傷的男人,早於2017年出席平安夜活動時遇飛來橫禍,在屯門被商場天台飛落街的大型帳篷擊傷腰同膝頭,搞到要做物理治療,之後撐枴杖負傷拍攝《包青天》,而拍攝期間也曾墮馬。另他主演的多個劇集受「安心事件」主角黃心穎所累成為倉底貨,劇集《機場特警》受社運影響還未出街。

因為黃心穎,張振朗主演嘅作品仲有存倉。
因為黃心穎,張振朗主演嘅作品仲有存倉。
32歲張振朗成日因工受傷!(劇照)
32歲張振朗成日因工受傷!(劇照)

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd