首頁 即時娛樂

蔡少芬母子平安已回家 張晉笑言佢唔封肚我封吖

19/11/2019 13:44:00
張晉上載一家五口溫馨合照。
張晉上載一家五口溫馨合照。

46歲的蔡少芬(Ada)與內地影星張晉於08年結婚後,現育有8歲長女楚兒和6歲二女信兒,今年6月他們開心公佈喜訊,就是Ada懷有第三胎。由於Ada已是高齡產婦,所以她懷孕期間,張晉無微不至地照顧太太,除了幫手剪腳甲,還有幫她着鞋,令Ada非常感動。

今年Ada過生日時,曾表示生埋呢個就夠晒數可以封肚,當大家都估係咪仔時?原來上周五,Ada已誕下兒子回家了,今日張晉在微博宣佈好消息:「11月15日,母子平安,歡迎張樂兒來到張家,我們平安回家啦!」他更分享一家五口的溫馨合照,只見生完BB的Ada精神奕奕,挨着老公笑得好甜吖!

蔡少芬日前誕下兒子張樂兒。
蔡少芬日前誕下兒子張樂兒。
張晉今日在微博宣佈喜訊。
張晉今日在微博宣佈喜訊。

Ada事後回應傳媒表示:「老公有跟埋入產房剪臍帶,好照顧我。」她憶述一開始再懷孕時好驚,因為又要重新學習湊BB,但一見到BB時又覺得好感動同眼濕濕,她續說:「好感恩又好興奮,多謝上天畀咗一個寶貴嘅產業我。兩個家姐都已經大個女,所以好錫個細佬,樂兒嚟到呢個家庭會好幸福,有個好愛佢嘅爸爸媽媽同家姐。」她並透露其實6年前已經封肚,今次是一個感恩的意外,就算生多個都不會減產,她強調:「大家記得有工作就要搵我啦!」

蔡少芬笑言生埋呢胎就封肚。
蔡少芬笑言生埋呢胎就封肚。

而張晉亦稱:「我哋當然好開心,(BB)又平安,其實我哋不嬲冇諗過會再有(BB),所以封(肚)吖封(肚)吖,佢再唔封我封吖!」記得Ada之前生兩個女時,BB都好重磅,今次生細仔都唔例外,有8磅2安士重,連張晉都笑言:「BB好大隻吖,好健康呀!」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd