首頁 即時娛樂

兒子年僅七個月 張致恒幾個月後再做老竇

19/11/2019 21:54:00
Steven好快又再做老竇,好生得喎。
Steven好快又再做老竇,好生得喎。

張致恒(Steven)今年7月忽然宣佈和未婚妻雯雯誕下一子「天寶」,兩人於今年9月成婚,補辦註冊結婚。昨日雯雯於IG貼出Steven抱着兒子對望的溫馨照,留言暗示再度有喜,寫道:「已經幾日食唔到嘢,咩都冇力做唔到,辛苦你照顧個仔仲要照顧我,辛苦你要將我食完一兩啖嘅嘢食埋佢,辛苦你要一日煮咁多餐畀我食,辛苦你要遷就我嘅脾氣同無理取鬧。仲有幾個月...大家一齊努力堅持埋佢!」Steven即時留言冧妻:「因為你,我真係要好好減肥先得,如果唔係我抱唔到兩個啊,我愛你。」





今年9月Steven帶埋兒子天寶同雯雯補辦結婚儀式。
今年9月Steven帶埋兒子天寶同雯雯補辦結婚儀式。
在酒店做「炒散」的Steven再多個家庭成員,再添上經濟壓力。
在酒店做「炒散」的Steven再多個家庭成員,再添上經濟壓力。

正當大家仲估估吓,究竟Steven係咪咁強咁生得時,傍晚時終於揭開謎底,Steven在IG承認雯雯再陀B,留言寫:「多謝大家嘅祝福,感謝主俾多一個小孩我哋,其實我同我太太都好鍾意小朋友,天寶又可以多一個細佬或者細妹,我覺得咁樣屋企又熱鬧又開心,所以我會更加努力令到佢哋快樂成長!」網友紛紛留言祝賀,唔少留言大讚他「造人」能力夠強,夠勁:「勁」、「咁快?」,亦有人好言相勸,叮囑他加油:「唔好辜負太太對你嘅愛」、「大個仔要生性喇」、「生生性性」,最搞笑有人叫他「開演唱會出個人大碟」。





雯雯為花心Steven付出真愛,更為他再陀B。
雯雯為花心Steven付出真愛,更為他再陀B。
前度梁皓恩(April)被偷跳Steven狠飛情緒一度失控,至今才走過低谷向大家報平安。
前度梁皓恩(April)被偷跳Steven狠飛情緒一度失控,至今才走過低谷向大家報平安。

一腳踏幾船成世紀賤男
現年35歲的Steven精力旺盛,太太坐完月即落力去「造人」。之前Steven宣佈未婚生子時,即被踼爆係世紀賤男,原來一腳踏5船,而他和雯雯偷食時,跟前度梁皓恩(April)仍在同居中。

Steven形象插水,關智斌單飛開演唱會,搵嚟容祖兒撐場。
Steven形象插水,關智斌單飛開演唱會,搵嚟容祖兒撐場。
Steven行為舉動對唔住身邊人,令多年來好柏檔關智斌大失所望。
Steven行為舉動對唔住身邊人,令多年來好柏檔關智斌大失所望。
Steven經常強調和雯雯、天寶和愛犬過住簡單幸福生活。
Steven經常強調和雯雯、天寶和愛犬過住簡單幸福生活。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd