首頁 即時娛樂

【成軍一年】MIRROR台灣拍MV 窒到花姐語塞

20/11/2019 23:26:00
姜濤
姜濤

人氣男團MIRROR於本月3日成軍一年,早前特意為新歌《Reflection》飛到台灣拍攝MV,要以靚人靚景答謝樂迷厚愛!

MIRROR找來曾為蔡依林、陳奕迅拍攝MV的寶島導演陳勇秀為MV執導,眾成員都非常興奮,隊長Lokman表示:「MIRROR成軍一周年,我哋都希望送俾大家一個隆重又精彩嘅MV!」副隊長AK亦指出,MV讓人賞心悅目的其中一個原因,是場景非常漂亮,「製作團隊特別搵咗間別墅,搭咗好多廠景俾我哋拍攝。」

MIRROR的舞步亦成為《Reflection》MV的焦點,排舞師黃祖耀及方家諾再次挑戰MIRROR能力,舞步更見複雜及密集,Lokman指拍攝MV期間,他們每跳完一次都要休息10分鐘才可以繼續拍攝下去,是不能不停跳的,所以最終用上22小時才完成拍攝工作。

Anson Lo
Anson Lo

赴台拍攝少不免要以國語溝通,MIRROR成員被問到最的國語最爛時,眾人竟直指是花姐!Jer大爆:「花姐同導演溝通時係用廣東話,但導演只係識國語!」

Anson Lo此時即插嘴道:「花姐!不如你用國語介紹我哋MIRROR。」花姐不甘示弱,假裝生氣道:「你係咪想炒呀?」AK即說:「不如你用國語講『你係咪想炒呀?』」即時令花姐語塞兼笑聲不絕!

花姐(左)陪MIRROR到台灣拍MV。
花姐(左)陪MIRROR到台灣拍MV。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd