首頁 即時娛樂

【黎小田病逝】難忘前輩愛笑 洪卓立:一路好走

01/12/2019 19:57:00
洪卓立讚黎小田好鍾意笑沒架子。
洪卓立讚黎小田好鍾意笑沒架子。

黎小田在主持《流行經典50年》節目時跟很多後輩合作,洪卓立是其中之一。洪卓立說:「佢無架子,好nice,好鍾意笑,雖然《50年》係第一次合作,但綵排時就算我唱錯咗佢都會好主動同好有耐性去教導我,一路好走。」

鍾舒漫:「小田哥係一位令人好敬重嘅前輩,佢嘅音樂造詣對樂壇貢獻好大,有好多膾炙人口嘅作品,佢嘅離開好可惜。」

羅力威:「小田哥好nice、無架子,好照顧、好肯教導後輩,希望佢一路好走。」

許靖韻:「小田哥係一個非常好嘅前輩,非常提携後輩嘅前輩,我之前喺《流行經典50年》合作過幾次,佢幫我彈琴,亦對我非常好。佢亦都係一個好緊貼潮流嘅前輩,佢同我講:我都有睇『小背心』啲片㗎。同佢合作我覺得好窩心。亦都覺得好可惜,但佢好嘅作品係會繼續流傳落去嘅。」

曾樂彤:「收到呢個消息好難過,之前大家都有合作過,喺《流行經典50年》入面,佢對我哋啲新人都好好、好照顧我哋、教我哋好多嘢,好遺憾樂壇失去咗一個好好嘅前輩,希望佢嘅家人同朋友保重。」

許靖韻、鍾舒漫、曾樂彤均在《50年》跟黎小田合作。
許靖韻、鍾舒漫、曾樂彤均在《50年》跟黎小田合作。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd