首頁 即時娛樂

甘比出錢出力愛心爆棚 蘇永康帶埋囝囝體驗視障生活

08/12/2019 19:00:00
蘇永康、吳若希、劉鑾雄太太甘比晨早去體驗視障人士生活,好有愛心。
蘇永康、吳若希、劉鑾雄太太甘比晨早去體驗視障人士生活,好有愛心。

滿載善心的蘇永康、吳若希、劉鑾雄太太甘比(陳凱韻)今晨參與《心光傲行2019》慈善步行活動,為心光學校籌款。眾人早上9時精神奕奕抵達薄扶林道心光學校,而兩歲多的蘇永康囝囝蘇展弘(Jazz)現身更成為焦點所在,母愛爆棚的吳若希不時撩他玩,但Jazz唔多受落,不時迴避。不過吳若希有老公何兆鴻(Alex)低調同行,就算Jazz唔多理她都冇乜所謂啦!至於甘比是代表贊助單位劉鑾雄慈善基金出席。

蘇永康、吳若希親身力撐視障小朋友。
蘇永康、吳若希親身力撐視障小朋友。
Jazz唔多理Jinny姨姨喎!
Jazz唔多理Jinny姨姨喎!

眾嘉賓上台發言前先帶上眼罩摸黑行20多步出會場,感受視障人士黑暗的世界,同時欣賞視障人士打鼓及唱歌表演。甘比大讚演得出色,更為他們打氣:「大家都係人,你哋只係缺少咗少少嘢,希望唔好因為視障感到遺憾同自卑,其實完全冇呢回事,你哋打鼓同唱歌真係做得好好。」

Jinny跟視障小朋友打成一片,老公何兆鴻(Alex)低調陪伴。
Jinny跟視障小朋友打成一片,老公何兆鴻(Alex)低調陪伴。

蘇永康曾住過心光學校對面,因為囝囝愛睇街,年前見到心光學校外牆掛上一條籌款活動橫額,好奇心驅使下打去學校了解一吓,原來當時正為學生籌款買樂器,但跟目標善款數字距離好遠,蘇康拍心口幫手自此便結緣。另外,被蘇永康稱呼為何吳若希女士的Jinny表示,因為年多前媽媽因單車意外入院,受傷後視力都出了問題,所以她就決心幫助視障人士,榮幸能出一分力。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd