首頁 即時娛樂

【頭條獨家】友誼小姐果然好識Social 陳熙蕊吹水表情好鬼誇

09/12/2019 23:00:00
今屆友誼小姐陳熙蕊笑起個樣好卡通,好好笑。
今屆友誼小姐陳熙蕊笑起個樣好卡通,好好笑。

陳熙蕊(Blossom),今年26歲,係今屆港姐嘅友誼小姐,無印象唔緊要,佢已跟TVB簽約,未來應該不時會喺TVB見到佢。日前傍晚6點,家住銅鑼灣百德新街嘅陳熙蕊約咗兩位今屆落選港姐去屋企附近食Cake,吹水講笑講足兩粒鐘,友誼小姐果然好識Social,全程勁多表情,表情仲好鬼浮誇,○氹到兩位朋友好開心。採訪:梁志明

傾到皺晒眉,仲要做埋手勢。
傾到皺晒眉,仲要做埋手勢。
突然又笑得好少女。
突然又笑得好少女。

陳熙蕊喺比賽中算突出,佢先憑出色口才獲得港姐限量珍藏迷你版后冠及權杖,然後再奪得「友誼小姐」名銜。事前曾被睇好入三甲,連上屆港冠軍陳曉華都睇好佢,話佢好可愛又好有自信,最後得個友誼小姐獎,唔緊要啦,贏到友誼咪仲珍貴,有錢都買唔到呀。

咁多表情會唔會易有紋
當晚六點,陳熙蕊同朋友喺百德新街嘅Lady M食蛋糕,三人選坐室外位,三個女人一坐埋就傾到停唔到,陳熙蕊發言量都好多,仲要係一講嘢就好興奮好多動作,有時舉手有時會繞住女友人隻手,最爆笑係佢啲表情,非常誇張,不時乸埋一舊,堪稱彈弓面,好適合做綜藝節目。快樂吹水兩粒鐘,由陳熙蕊請客,走前三人自拍,影一張唔滿意再影,離開時三人平排而行繼續傾,好多嘢講。

笑到挨住朋友膊頭。
笑到挨住朋友膊頭。
臨走前自拍留念。
臨走前自拍留念。

離開時,三人邊行邊傾。
離開時,三人邊行邊傾。
2019港姐冠軍黃嘉雯、亞軍王菲、季軍古佩玲及友誼小姐陳熙蕊。
2019港姐冠軍黃嘉雯、亞軍王菲、季軍古佩玲及友誼小姐陳熙蕊。
其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd