首頁 即時娛樂

生手上陣勝在識冧女客 張彥博獲封花美男侍應

05/05/2017 00:00:00
阿博像暖男般細心又體貼,令到女客人大為讚賞 。
阿博像暖男般細心又體貼,令到女客人大為讚賞 。

「細寶」張彥博,早前為無線節目《社企打工王II》化身一日侍應,並在短短8小時內學習洗碗、落Order、燒乳豬、整窩夫及上菜等技能。雖然只是錄節目,但阿博與工作人員卻完全未有「揸流攤」,阿博更在晚上的「真.宴會」中,親身服侍其中一枱客人,認真大挑戰!

雖然阿博上菜期間全程表現論盡,更差點因為叉錯腳將食物倒在地上,幸好他最終展現驚人平衡力「化險為夷」,上菜時的表現像暖男般細心又體貼,令到全枱女客人大為讚賞 ,並盛讚阿博是「社企花美男侍應」。

阿博化身一日侍應。
阿博化身一日侍應。
炮製「細寶牌窩夫」。
炮製「細寶牌窩夫」。

不過由於阿博平日甚少下廚,當導演要求阿博炮製「細寶牌窩夫」時,阿博雖然「甜品師傅」上身般有晒姿勢,可惜最後卻因為記錯「熄機」時間,結果整燶窩夫之餘,更令廚房冒出大量濃煙,嚇窒所有工作人員,幸好最後證實除窩夫外並無進一步「傷亡」。

談到一日侍應感受,阿博笑指從前也有在餐廳打工經驗,並謂:「所以啲嘢唔算話好難做,但係窩夫真係好難整,啲漿嘅厚薄度啦,整嘅時間啦,轉部機嘅次數啦,樣樣都係學問。搞到咁論盡我都狂同啲同事Say Sorry,好彩佢哋冇怪我,但就笑我係男版地獄廚神咯。」

整燶窩夫,冒出大量濃煙。
整燶窩夫,冒出大量濃煙。
可惜可惜,不過姿勢分滿分啦。
可惜可惜,不過姿勢分滿分啦。
其他文章
友情班底 炮製2月紅館個唱 鄭伊健:同入場Fans開party

踏入2019年,我好期待的型男鄭伊健將於下個月尾再次踏上舞台開Show。對上一次伊健個...

hd