陰間阿媽要煲碟

  先前說過,朋友天天一位堂兄,從來不信鬼神,最近被風水先生踢爆撞鬼之後,大受刺激,竟然不惜買實物燒給死者(十月十四日《有老友搭膊頭》)。涉及傳統習俗「燒衣」。從祭祀的角度看,是否真的有此需要?抑或燒紙品,對方已收到?

  在古代中國,像秦漢之前,仍有燒活人、燒活牲畜等殉葬事件。

  太悲慘了,我們進化了兩千多年,才來到現今的紙祭品時代,沒理由倒退。而有關「燒衣」,確實有許多朋友,稱有互動感應。像朋友程雯,母親已逝世多年,仍間中夢魂相會。有一趟,早上又夢見,無甚特別,仍是一般閒話家常。忽然,亡母問:「喂,我 朋友最近流行睇影碟,以前(生前)我都有睇啦,你可唔可以整一部畀我?」

  女:「嗄?點『整』畀你?你意思係燒畀你?」雖然在夢中,仍保持理智,很有條理地問:「咁影碟呢?買真的給你?」

  母:「唔使,好似《大長今》咁,你燒個封面,我就自自然然睇到啦。」

  女:「咁冇影碟 入邊喎。」

  母:「唔使,總之你燒封面,我就睇到,但係你一定要燒部機落 ,冇機我睇唔到。」

  女:「真係唔使燒真碟?」

  母答得很妙:「總之你記住,封面愈靚,我睇得愈清楚。」

  夢醒,程雯跟老公商量。他信到十足十:「又幾似你阿媽,她生前一向追開劇。」

  於是他們一起買了部紙紮影碟機,她老公還好畀心機地,利用公司的彩色打印機,列印大量精美的長劇影碟封面,中、韓、台,一網打盡。包括阿媽生前已欣賞過的《大長今》、《流星花園》等等。可是程雯仍不放心,有機無碟始終不妥,萬一阿媽睇唔到呢?為穩陣計,她多買了一套很便宜、山寨製作的《大長今》影碟,一併燒給亡母。不久,又夢見阿媽:「都話唔使燒真碟咯,都好,有多套睇,我送 畀朋友啦。」

  後來呢?可會與時並進?追煲《怪物》、《當你沉睡時》等等?難為程雯,相信她一直會幾忙。文:康子


hd