Executive日記——唔做小學雞 做小小發明家 機械人港區選拔賽戰況激烈

        唔做小學雞,可以做小學發明家!由香港機械人學院舉辦嘅二○一六ROBOFEST機械人香港區選拔賽,昨日喺科學園舉行,吸引近二百五十名中小學生參加。上午嘅項目之一嘅機械人相撲比賽,參賽機械人需在限時內,將場區上的水樽或對手機械人推出界外,戰況激烈,尤其是初級組冠軍戰嘅比賽隊伍,以四驅車設計而成嘅機械人,絕處逢生,力壓對手。

        今屆ROBOFEST吸引近二百五十名小三至中四學生參加,比賽分為初級及高級兩個組別,參賽隊將預先設計而成嘅機械人,帶到場區內比併,要在兩分鐘內,鬥快將場區上的水樽或對手機械人推出界外。

  初級組冠軍隊伍大埔舊墟公立學校(寶湖道)嘅杜守一同學仔,同Kelly分享心得,佢地於冠軍戰對決拔萃男書院附屬小學,首回合,曾一度被對手壓制在邊界,數度幾乎被推出界外,如何反敗為勝呢?杜同學話,關鍵在於仿照四驅車設計嘅機械人,足足花上一個月構思設計,當機械人處於下風時,仍能以較大馬力抗衡,所以未被推出去,並於最後十秒成功擺脫對手,把男拔機械人推出界外;次回合便輕鬆把水樽推出界外獲勝。高級組則由機械人學院獲冠軍。

  優勝者將於五月代表香港,到美國參加國際賽競逐錦標,相當屆時高手較量場面更精采。

Kelly Chu

hd