Executive日記——「文生哥哥」搞聯歡會 賣「蛋牛治」闖飲食界

  八、九十後集體回憶,一定要數兒童節目《閃電傳真機》,主持人之一嘅「文生哥哥」伍文生(圖),早年淡出幕前,喺飲食界大展拳腳,嚟緊又有新搞作,舉辦以懷舊校園為主題嘅「文生書院」派對,集演藝及飲食元素於一身,又會以特許經營方式,將家傳嘅新香園招牌「蛋牛治」發揚光大。

  伍文生嘅岳父,係深水埗馳名茶記新香園老闆,文生哥哥將蛋牛治呢門家傳手藝,帶到位於觀塘自家開設嘅餐廳。四月七日將會舉行「文生書院開學聯歡會」,希望以前兒童節目主持身份,再加入八、九十年代校園元素,「在兩小時的『聯歡會』中,融合飲食和演藝的元素和專長,為食客帶來一個獨特及嶄新的餐飲體驗」。

  佢又會以特許經營方式推廣蛋牛治,新加盟店將於三月中在葵芳開幕,為咗保住岳父招牌,佢揀加盟者時都小心翼翼,「他們是有心的年輕人,但礙於連鎖店的制度,發展到了瓶頸,才下決心另闖一片天。」

Kelly Chu

hd