Executive日記——兒童智能樂園 愉景新城任玩

        室內遊樂設施,刺激又益智。D.PARK愉景新城「全球首個多元智能兒童購物樂園」昨日開幕啦,即時展開全港首個最大型「多元智能」兒童全能跑挑戰賽、全港首架室內可載人「兒童電動火車」首航等,家長以後唔使頭痕帶細路去邊度玩啦!

        新世界集團執行副主席兼聯席總經理鄭志剛話,以創新思維將美國哈佛大學教授及心理學家研發嘅「多元智能理論」融入零售業務,創立一個啓發小朋友多元智能嘅「全球首個多元智能親子購物樂園」。佢仲親自創作角色「Donut」,係一個勇敢、冒險、充滿好奇心嘅小朋友,由於鄭志剛好鍾意食donut,角色以此命名。Donut愛動腦筋、挑戰事物,頭髮顏色仲會隨着不同多元智能運用而轉變,與一群多元智能嘅動物朋友一同展開難忘歷險之旅。

  「全球首個多元智能兒童購物樂園」有四個共逾四萬呎嘅室內外「多元智能專區」,帶來四個親子互動區域「中央公園」、「亞馬遜學園」、「愉快天地」和「鯨魚花園」,商場更提供全港第一個以「多元智能為主題生日會」,以及全港首架室內可行駛「兒童電動火車」,透過遊戲激發小朋友多元智能發展。

Kelly Chu

hd