Executive日記——包辦曲詞演唱拍MV 星級校友譜曲賀民生90歲

        有名人搖籃之稱的民生書院,屹立九龍城九十年,Kelly收到風,一眾校友為咗慶祝母校九十歲生日,落手落腳作咗首歌《光與生命》送給母校,由係校友嘅重量級歌手陳秋霞、林志美和彭羚等演唱,認真犀利,原來民生書院盛產歌星㗎。

        民生書院早在一九二六年成立,為慶祝就快九十周年,一班熱心校友一手包辦主題曲《光與生命》嘅作曲、作詞、演唱同MV製作,而樂壇重量級歌手陳秋霞、林志美和彭羚係民生校友,人人二話不說答應演唱《光與生命》,表達民生精神「光與生命」,培養學生有積極而堅毅嘅價值觀,回饋社會。

   呢件盛事當然唔只咁少人,Kelly知道好多社會猛人都有參與,出錢出力,好似有中電企業發展總裁莊偉茵(Quince)、音樂人張崇基、張崇德、填詞人王仲傑、導演袁劍偉、香港電視主席王維基及寰亞傳媒集團主席林建岳等等。Quince話,《光與生命》呢首歌唔單單為母校致敬,仲希望為香港社會注入能量,首歌將會喺六月二十六日民生書院九十周年晚宴上首播。

Kelly Chu

hd