Executive日記—— 民生90校慶 名人校友聚首

        民生書院名字響噹噹,仲係名人搖籃!今年係民生書院九十周年,小妹知道一眾校友密鑼緊鼓,籌備慶祝活動,前晚仲搞咗一個民生書院九十周年私房菜晚宴,雲集廿幾位猛人,包括旅遊達人項明生,佢話好熱鬧,同咗好多名人校友敍舊,好開心!

        為慶祝民生書院九十周年盡心盡力嘅中電發展總裁莊偉茵Quince同佢老公黃楚權(Adam),前晚搞咗一個民生書院九十周年私房菜晚宴,請咗好多猛人校友出席,好似有「魔童」王維基、資深傳媒人查小欣等,名人一籮籮,其中Adam仲落廚煮番味拿手菜色,唔少人大讚食過翻尋味咁話喎!

  小妹個老友項明生(James)都有被邀請,佢話好開心搞手Quince請佢去,當晚仲同唔少名人食嘢吹水selfie一條龍。

王維基「好憎」項明生

  佢笑笑口同小妹講,當日王維基(Ricky)親口話好憎佢,咁Kelly就問點解啦,James講原來王維基見佢成日去旅遊,好「葡萄」喎!

  另外昨日民生校友彭羚、陳秋霞及林志美為香港民生書院九十周年校慶主題曲拍MV,Kelly好想快啲睇到呀!

Kelly Chu

hd