Executive日記——「全城愛蝶日」宣傳保育 廢木變「蝴蝶」好有型!

蝴蝶顏色鮮艷,人見人愛。今個月十四日係「全城愛蝶日」,連續第四年為綠色力量擔任「蝴蝶大使」嘅行會成員陳智思及環境局副局長陸恭蕙,就利用廢木升級再造嘅「木蝴蝶」上色,當年藝術系畢業嘅陳智思,「點出」與眾不同嘅黑白蝴蝶,真係有型!

        活動今年請嚟城中名人擔任蝴蝶大使,其中著名木雕藝術家王天仁,將廢木板、廢卡板升級再造變成木蟲蟲及木蝴蝶藝術品,由其他蝴蝶大使上色,設計獨一無二嘅作品。

  陸恭蕙手執親手創作嘅木蝴蝶,一對翅膀分別以紅、綠為主色,再點上黃、藍、白等顏色,佢話除咗蝴蝶之後,亦希望大家要同時愛護埋其他物種。而陳智思嘅作品就零舍不同,選擇黑色作為翅膀底色,上面佈滿密密麻麻嘅白色小點,用色破格,鍾意行山嘅佢話,雖然蝴蝶常見,但正因為此而被人忽略佢係自然生態中嘅重要性咁話喎。

Kelly Chu

hd