Executive日記——穿經典粉紅裙出鏡 無線俏主播似足靜宜

        多啦A夢卡通片中嘅「靜宜」報道新聞,你睇過未?Kelly發現近日網上瘋傳一張拼湊相片,左面有為人熟悉嘅「靜宜(靜香)」,右邊嘅係無線新聞主播陳嘉倩,佢一身粉紅色套裝打扮,無論係款式同顏色,都同靜宜打扮十分相似,相映成趣,有網民話陳嘉倩紮埋孖辮仔就更加神似啦!

        日本漫畫《叮噹》女主角靜宜係好多香港八、九十後嘅集體回憶,小妹噚日睇facebook,意外地喺專頁「香港地」見到佢嘅蹤跡!有網民找來新聞小花陳嘉倩報新聞嘅截圖,放喺靜宜相片旁邊,當時陳嘉倩以一襲粉紅色套裝,跟靜宜喺漫畫中常見嘅粉紅色裙打扮,似到十足十,再配上陳嘉倩一副親切笑臉,Kelly覺得好似見到現實版嘅靜宜報告新聞!

  呢張相片隨即引起網民熱議,短短一日已經有八千個like。唔少網民留言話陳嘉倩着到好似靜宜,又話佢係網民心目中「最愛新聞之花」,盛讚佢好上鏡,網民「Lan Lai」仲話,如果陳嘉倩紮孖辮、擘大隻眼會仲似靜宜O添。

Kelly Chu

hd