Executive日記——大學生組隊諗計 借科技幫助老友記

  年輕人用創新科技幫助老友記,Kelly Like爆。友邦保險公司、思科系統有限公司聯同科技大學,由前日起一連兩日舉辦「Hack-O-Life 2016」比賽(圖),有約五十名來自香港同內地嘅本科生同研究生,必須喺二十小時內,製作出一項產品或方案,以科技同創意幫助解決香港人口老化嘅問題。

  經過二十小時嘅比賽後,最後勝出嘅其中一隊隊伍Habhub來自科大,佢哋得獎作品為「長者應用程式」,為長者設計伸展活動時表,並提供影片畀老友參考,而親屬又可以透過程式,關心長者康復程度同向佢地發出語音同文字鼓勵。

  另外一隊勝出隊伍M-TRIANGLE來自汕頭大學,其得獎作品為一枚智能手錶,其內設平安鐘、定時提醒服藥時間、全球定位、身體狀況偵測同娛樂功能,希望藉此改善長者生活。

Kelly Chu


hd