Executive日記——麥記安格斯新包 連售28萬個

        麥當勞上周四推出The Signature Collection系列三款新包,Kelly想試吓新口味,點知呢幾日去到見到大排長龍,乖乖排隊,先歎到新口味。麥當勞昨日公佈,其中一款新包芝味蘑菇安格斯,推出四日內創下賣出接近二十八萬個嘅紀錄,最高銷售紀錄嘅餐廳日賣超過七百個,反應好熱烈,搞到部份分店暫時售罄!

        麥當勞新登場嘅芝味蘑菇安格斯,將特厚安格斯牛肉配搭車打芝士和軟滑白芝士嘅雙重「芝」味,以及荷蘭香烤蘑菇等,吸引全港牛魔王搶購,市場反應遠超麥當勞預期,令部份店暫時售罄芝味蘑菇安格斯。麥當勞老友話,正全力安排盡快恢復供應,各位牛魔王想知最新供應情況,就要留意麥當勞facebook專頁啦,而另外兩款新包清新田園烤雞及狂惹火辣脆雞就仍然有售。

Kelly Chu

hd