Executive日記——迪士尼新酒店四月底有得住

  香港迪士尼探索度假酒店定咗喺下個月三十日開幕啦,Kelly聽聞樂園嘅營運團隊將於本周先進駐新酒店,做好最後準備,包括喺三間新餐廳及廚房測試,帶嚟一系列全新嘅特色餐飲,Kelly好期待入去試菜呀!

  新酒店七百五十間客房中,大部份移交營運團隊為開幕作準備。新酒店擁有四個不同主題嘅庭園設計,每個庭園都會有各自嘅翼樓及主題客房,面向南美洲、大洋洲、亞洲及非洲四個不同特色園林景致,而酒店內嘅設計和擺設,會展示從世界各地搜羅到嘅工藝品和珍藏,Kelly覺得好特別呀!

Kelly Chu


hd