Executive日記——Q版特首候選人表情各異 民間投票唔通內藏玄機?

  特首選戰,每日戲路不同,好睇過電視真人騷,近日「公民聯合行動」搞咗個民間投票,昨天喺報章賣廣告,呼籲市民睇完選舉論壇就去投票。不過Kelly留意到,廣告入面三位候選人嘅漫畫造型,表情各異,唔知搞乜東東,又會唔會影響投票意向呢?

  民間投票嘅廣告,棄用三位候選人嘅真人相片,反而以漫畫造型代替,奇就奇在,三位候選人表情各異,例如一號候選人曾俊華面帶笑容,二號候選人林鄭月娥就似笑非笑,而最近畀部份泛民人士插「𠝹票」嘅三號候選人胡國興,就神情肅穆,仲有啲「面燶燶」咁喎。

  小妹疑惑,民間投票設計三位候選人嘅形象時,係參考咗咩材料,而廣告呼籲市民睇完昨晚嘅直播論壇再投票,但用咗唔同表情嘅漫畫人物代表三位候選人,唔通民間投票未完,已經預示咗結果?

Kelly Chu

hd