Executive日記——《頭條》請你睇七欖聽美樂

        城中盛事,香港國際七人欖球賽下月七號至九號舉行,除咗入場觀賽,Kelly推介大家去中環遮打花園參加「七欖中環」,盡享美食又可以同七欖大使合照「集郵」。《頭條》讀者只要回覆以下電郵,就有機會獲贈七欖賽同前奏音樂會嘅門票,手快有,手慢無呀!

        「七欖中環」下月三號起一連七日舉行,畀大家感受精采七欖賽嘅威力,現場將會有三間Pop-up餐廳,提供各式佳餚,多名欖總欖球大使亦會一連五日閃現出場,同球迷合照留念,而四月六號當日仲會有本地搖滾樂隊RubberBand,以及陳奐仁登場一展歌喉,勢必掀起高潮。

  另外,香港國際七人欖球賽前奏音樂會,四月六號當晚喺The Sevens Village(香港大球場對面)舉行,會由英國流行音樂傳奇Madness擔任主演嘉賓,同樣萬勿錯過。

  《頭條》讀者今日內將姓名、電話及電郵地址電郵至ticket@hkheadline.com ,標題註明「《頭條》送七欖賽同前奏音樂會門票」,首十名讀者將獲贈七欖賽門票,第十一名至二十名讀者將獲贈七欖賽前奏音樂會門票,每人限送一張,快快行動?

Kelly Chu

hd