Executive日記——交配由「嗅味相投」開始! 盈盈樂樂即將「閉門造B」

  Kelly打算今日到海洋公園探班小動物,點知收到風,大熊貓展館暫停開放,事關盈盈同樂樂即將踏入春天交配期,園方安排佢哋「閉門造B」,近日不時安排佢哋互相聞吓體味,原來大熊貓嘅性衝動,由「嗅味相投」開始!

  話咁快盈盈、樂樂差唔多十二歲,係時候傳宗接代。海洋公園動物及教育部執行總監蔣素珊話,兩隻大熊貓最近開始有發情,盈盈不時會玩水、「咩咩」咁叫;樂樂就四圍聞盈盈嘅氣味,似乎隨時準備好行動起來。

樂樂四圍聞

   小妹同海洋公園八到,原來大熊貓嘅發情期一年只得一次,真係算一年一度「盛事」。園方平時密切監察住盈盈、樂樂嘅情況,好似會定期做行為觀察、尿液測試同荷爾蒙水平監測。由於熊貓係獨居動物,工作人員特登畀盈盈、樂樂互相聞吓氣味,勾起佢哋對對方嘅興趣。

  盈盈、樂樂近年都造B失敗,今次職員都會一直監察盈盈嘅懷孕狀況,如果確定「得咗」,展館就會一直關閉到BB出世為止,努力,加油呀。

Kelly Chu




hd