Executive日記——肥仔聰選戰後有個中大Talk

   特首選戰轉入最後直路,薯片叔叔嘅前政治助理羅永聰(阿聰)日前就拍片話深信薯片會當選,仲話日後會繼續幫佢手喎。不過,心水清嘅花生友都睇得出,薯片叔叔形勢唔多樂觀,所以好關心阿聰嘅去向。點知中大新聞與傳播學院校友會昨日就率先披露阿聰動向,咁究竟佢去邊呢?

  原來阿聰選戰後首個任務,就係下個月一號去中大新亞人文館,出席「中大新傳校友會講座:特首選戰 公關大解構」,屆時仲會擔任嘉賓,分享自己為薯片競選嘅心路歷程,想知呢個「錢買不到嘅團隊」喺幕後點樣發功,記得留意啦。不過,呢個活動只限新傳校友同學生報名參加,小妹只可「望Talk興歎」啦。

Kelly Chu




hd