Executive日記——支持全球抗愛滋行動 UNICEF迪園慈善跑籌到過千萬!

        Kelly身邊好多朋友鍾意身體力行做慈善,昨天落雨天,無阻聯合國兒童基金會喺迪士尼樂園舉行慈善跑,幫「全球抗愛滋行動」籌款,結果籌到一千一百萬元!

        聯合國兒童基金會(UNICEF)由○六年開始每年都搞一次慈善跑,支持全球抗愛滋嘅行動,今年嚟到第十一屆啦!噚日嘅賽事喺香港迪士尼樂園度假區舉行,有UNICEF榮譽顧問唐英年同埋食衞局局長高永文主持開幕儀式。

  雖然落雨,一萬四千多名熱心人士出席慈善跑,包括UNICEF大使楊千嬅,歌手周國賢、長跑好手湯馬士基保堤(Thomas Kiprotich)、 三項鐵人運動員黃煦蔚等人,大家真喺出心又出力啊!最後湯馬士基保堤蟬聯咗半馬拉松男子全場總冠軍,而女子全場總冠軍就由松井惠美奪得。

  今年UNICEF籌到一千一百萬嘅善款,支持全球抗愛滋運動。UNICEF主席陳晴話,原來每日都有超過四百個兒童感染愛滋病病毒㗎!佢哋由二○○○年開始,成功保護近一百六十萬個兒童免受愛滋病病毒感染啦!UNICEF好希望可以實現到「零愛滋世代」,Kelly撐你哋!

Kelly Chu

hd