Executive日記——林太定丁太﹖傻傻分不清

  女高官有樣睇?政府昨日公佈委任郵政署署長丁葉燕薇出任候任行政長官辦公室秘書長,Kelly睇過佢張官方相,髮型一樣,眼鏡差唔多,竟然同林鄭成個餅印咁?

  知名形象設計顧問張學潤(Nel Nel)都同小妹講,驟眼睇落,林太同丁太真係好似樣,好易認錯咗人!Nel Nel仲話,兩人同時剪咗清爽短髮,戴無框或幼框眼鏡,係高級行政人員、高官中好普遍嘅造型,估計因為短髮方便打理,而眼鏡款式保守、成熟,整體上予人感覺平實,唔會花枝招展,好適合佢哋嘅身份,但佢亦留意到林鄭嘅打扮稍勝一籌,髮型吹得細緻啲,加上平時會着旗袍,明顯對自己形象花過更多心思喎。

Kelly Chu

hd