Executive日記——復刻版男角不及伊健 原版陽光美少女榮升婆婆!

        陽光紙包飲品最近推出復刻版,勾起好多人嘅集體回憶,最令人記得嘅,當然係一名可愛女生喺校園暗戀鄭伊健嘅電視廣告啦。早幾日陽光推出呢個經典廣告嘅復刻版,由兩名新人做主角,但大家似乎都係鍾意原來男女主角嘅伊健同個可愛女生多啲,Kelly就好想知個女生o依家點。原來佢嫁咗去印尼做少奶奶啊﹗

        原版電視廣告係一九八七年播放,直到o依家伊健仲活躍喺娛樂界,而個女主角喺邊呢?可愛女主角叫Yvonne Yuen,原來佢嫁咗去印尼做少奶奶,「隱世」多年。

  Yvonne過住名媛生活,成日去旅行,今年年頭返咗香港過新年,之後又去咗中山玩,最近仲去埋奧地利遊玩啊!佢生咗三個仔女,上年仲榮升做外婆,閒時湊孫,不時show仔女同孫仔嘅相,仲話孫仔嘅笑容令佢個心都融化,生活得好幸福啊﹗Yvonne後生嗰陣有啲baby fat,十分可愛,o依家就多咗幾分成熟韻味,但睇落都好後生,睇嚟佢駐顏有術,保養得好好喎!Yvonne風采更勝當年,小妹都好羨慕啊﹗

  陽光個復刻版嘅廣告嘅情節,喺同原版一模一樣嘅,不過男、女主角換上新人啦,由兩個音樂人李拾壹同陳蕾主演,兩個人都喺九十後,李拾壹喺歌手同舞台劇演員,而陳蕾就喺創作歌手。佢哋仲合唱咗《如果陽光》呢首經典廣告歌。不過好多人睇完之後,始終都喺覺得伊健同Yvonne好啲啊!

Kelly Chu

hd