Executive日記——視像遊戲練習客家功夫?!

        新科技總令人大開眼界,有冇諗過可以透過視像遊戲練習客家功夫、昆蟲咁細隻機械人可以協助救災?Kelly發現去城大可以見識到呢啲科技。

        城大嘅「客家功夫姿勢匹配裝置」,觀眾對住裝置視像屏幕,就可以跟住功夫大師擺姿勢,例如紮馬出拳、彎腰踢腿等,裝置嘅感應器會用「動作擷取技術」捕捉觀眾做出嘅姿勢,再與原來嘅視像屏幕姿勢比較,就可以對比出功夫到底耍得到家未,咁唔駛武功秘笈,都可以做一代宗師啦!

  如果耍完功夫都唔夠,想再體驗科技有幾勁,Kelly推介去睇飛行機械人,佢結合咗「蟻俠」嘅微型同「iron man」嘅飛行能力,整個飛行機械人只係重一百毫克,十足昆蟲咁細,遇到大災難時,可以飛上災區拍攝俯瞰圖像,同埋偵測化學品,平時都可以幫手採集空氣污染資料等,好多用途架!城大展覽已經開始咗喇!有興趣即日起到十三號可以到香港城市大學舉行的「科研展覽2017」。

Kelly Chu

hd