Executive日記——迪士尼春日嘉年華 美女與野獸同你合照

  春日暖和,呢排不時陽光普照,最啱一家大細一齊出街玩啦﹗Kelly覺得其中一個好去處一定係迪士尼樂園啦,因為佢哋依家有個「迪士尼明星春日嘉年華」啊!

  「春日嘉年華」入面會有一連串嘅春日活動,例如每日下晝都會有全新巡遊「迪士尼明星嘉年華列車」,到時超過三十個迪士尼明星會着住春日新裝,坐喺顏色鮮艷嘅火車出巡。車隊入面除咗有米奇、米妮等大明星之外,仲會有新加入嘅《優獸大都會》嘅朱迪和阿力,同埋《富貴貓》嘅瑪麗,佢哋會同五十個表演者一齊載歌載舞架﹗

  喺美國小鎮大街會有「每月之星」同大家影翻幅靚相留念, 今個月有好多人勁like嘅《美女與野獸》貝兒公主和野獸﹗依家迪士尼仲有好多款《美女與野獸》嘅玩具同擺設出售,又有全新設計嘅貝兒公主服飾,小朋友都可以化身成貝兒公主啦﹗咁多精采好玩嘅節目,由今日開始直至五月二十八號都會有,Kelly都打算去玩番餐飽!

Kelly Chu




hd