Executive日記——嚴選大粒李子 陳足三年 200蚊両話梅王有段古

  Kelly返工,有時會忍唔住釣魚,呢個時候就出動話梅提吓神,話梅可以話係小妹保住份工嘅「功臣」!有朋友轉發一張喺網上熱傳嘅圖片,顯示一款大粒話梅賣二百蚊一両,小妹嚇咗一跳!咁啱行過涼果店「上海么鳳」,見到嗰款話梅喺佢哋嘅出品,問問負責人先知賣得咁貴有原因!

  上海么鳳負責人話,佢哋賣得最貴果款「頂級話梅王」,真係要二百蚊一両,喺精選台灣嘅大粒李子嚟整,賣得咁貴,係因為要用最大、最靚嘅李子先可以風乾後整到咁大粒話梅!

  佢哋由台灣入口大粒李子嚟香港之後,就會用人手加工醃製同曬乾,原來一粒好嘅話梅喺要擺好耐先會好食,所以「頂級話梅王」係要擺三年㗎!呢款話梅酸酸甜甜,仲帶有少少鹹味,可以生津解渴。

  有網民話,有冇搞錯,係咪二十蚊變二百蚊一両,有人亦話不如食珍饌百味好過吞粒話梅喎,有人就笑言一粒話梅就知香港貧富有幾懸殊!點講都好,小妹只可以「望梅止渴」囉。

Kelly Chu


hd