Executive日記——赤柱醫院同房 煲呔肥龍論跑馬仔

  喺政界中同屬老友嘅前行政長官曾蔭權及前政務司司長許仕仁,先後因公職人員行為失當罪成而鋃鐺入獄。據消息人士講,呢對「沙煲兩兄弟」同在赤柱監獄服刑,由於二人健康問題,同被安排入住獄中嘅醫院病房,好巧合咁兩人嘅病牀正正喺「對面」,閒來「有傾有講」。

  喺一四年十二月在高院被陪審員以大比數裁定串謀行賄及串謀藉公職人員行為失當罪成而被判囚七年半的許仕仁,減除行為良好等公眾假期後,實際要坐五年監禁,根據《監獄條例》囚犯在服刑三分二刑期後,可以向懲教署申請「假釋」,即只要佢行為良好同獲得僱主聘用,便可向懲教署提出假釋申請。換言之,許仕仁即使「終極上訴」最終失敗,他最多再服刑十二個月左右,就可申請假釋。

  有「橋王」稱號嘅許仕仁喺獄中醫院遇見前上司曾蔭權,而且兩人病牀就喺「對面」,於是得閒交談吓。許仕仁近月心境較為平復,喺特首選戰期間,許仕仁表現得運籌帷握,將獄中病房變成「政治論壇」,大談誰勝誰負的機會,而且仲「貼中」林鄭會跑贏。

Kelly Chu


hd