Executive日記——演習測試應變能力 機管局搵人「問候」職員

        香港夏天不時會打風,除咗大家出街遇到橫風橫雨好狼狽之外,惡劣嘅天氣仲會影響埋飛機航班升降㗎,所以每年機場管理局都會舉行一次大型嘅颱風應變演習。Kelly八卦到,喺今年嘅演習之中機管局仲特登搵人扮內地遊客,叫佢哋要喺登機櫃台破口大罵,甚至爆粗,測試吓一班職員夠唔夠專業應付內地大媽嘅挑戰!

        喺網上面成日都會見到有內地大媽大鬧機場,甚至同航空公司職員「開拖」,機管局有見及此,喺今年三月嘅颱風應變演習特登搵人扮不滿,甚至用粗口問候機場職員,測試吓前線人員嘅應變能力。原來機管局嘅演習喺咁迫真,小妹真喺大開眼界!

  另外,Kelly又聞機管局市場及交通網絡拓展總經理鄭緒邦講起,原來喺機場停機坪同跑道旁種乜嘢植物,都係一門學問!鄭緒邦話,喺兩條跑道咗近只可以種草,而且唔可以太長,亦唔可以太短,因為啲草都可以幫手喺飛機有咩事故時做緩衝㗎。而喺離跑道遠少少嘅地方就可以種一啲矮啲嘅樹,再遠啲先可以種大棵嘅樹,不過所有樹都唔可以喺會結果實嘅品種,因為一出果實,就會吸引到雀鳥飛來搵食,咁就大件事,可能會撞上飛機,引起空難㗎!

Kelly Chu

hd