Executive日記——得獎公關公司 為羅君兒策劃出書講綁架經歷

  香港成衣集團堡獅龍創辦人羅定邦嘅孫女羅君兒兩年前被綁架一案轟動全城,Kelly仲記憶猶新,小妹八到原來她嚟緊要出書,講被綁架嘅經歷,仲搵咗啱啱拎咗公關獎嘅圓通財經公關顧問有限公司幫手策劃出版啊﹗

  圓通財經公關顧問有限公司噚日獲Mediazone出版集團頒發「客户最值得信賴的度身訂造傳訊服務機構」獎項,讚賞佢為客戶度身訂造嘅貼身公關服務,覺得佢哋展現到專業精神同實力。

  羅君兒大讚圓通財經,話覺得佢哋團隊好專業,服務又到位,喺最值得信賴嘅公關夥伴。所以她決定再次委任圓通財經幫手策劃出版勵志書,新書會首次披露她兩年前嘅綁架案,分享她喺生死一線間嘅可怕經歷,希望鼓勵大家喺逆境之中要堅守信念同愛惜生命。呢本充滿正能量嘅書會喺七月推出市面㗎。

Kelly Chu

hd