Executive日記——DSE博覽會 為升學就業做準備

  學生要注意生涯規劃,無論係升學定就業,最好預先做好準備,不過咁多選擇,究竟點揀﹖Kelly知道今個星期六、日會有個DSE博覽會,有好多同升學、就業有關嘅資訊,應該可以幫到手!

  呢個博覽會喺五月二十同二十一號(今個星期六、日),喺九龍灣國際展貿中心舉辦,博覽會以「劃出生涯路」做主題,希望可以加強學生的生涯規劃及升學就業輔導的支援。展覽會分做四大展覽區,超過六十家教育機構、招聘企業會提供升學諮詢服務、職位申請同面試機會。

  博覽會會有近二十場講座,有教育界知名人士、名校校長、升學專家同企業代表,分享規劃升學及事業的成功心得及秘訣,例如星期六會有歌手鄧小巧,星期日會有年輕廚神梁嘉皓先生。

Kelly Chu

hd