Executive日記——你捐幾多 長江就捐120%!

        大企業取諸社會,用諸社會。長江集團一向支持公益,多次喺「公益金及時雨基金」籌款嘅時候推出配對捐款,即係「您捐幾多,長江集團捐幾多」,今年適逢香港回歸二十周年,佢哋決定加碼支持,你捐幾多,長江集團捐百分之一百二十,例如你捐一百,長江會捐一百二十蚊㗎!

        公益金及時雨基金喺○四年成立,一直為身陷困境嘅人同佢嘅家庭提供迅速嘅短期過渡援助,歷年嚟幫咗五萬多個有需要人士解決燃眉之急。長江集團好支持佢哋嘅工作,所以多次以「您捐幾多,長江集團捐幾多」嘅形式,配對公眾捐款,令善款倍增。

  今年係回歸二十周年,所以長江集團特別提高配對捐款比率,加碼支持基金,希望幫到更多有需要嘅香港人。喺明晚嘅「萬眾同心公益金」電視籌款節目之中,只要大家打去捐款熱線,長江就會喺你捐嘅金額外,再額外多捐百分之二十,例如你捐一百蚊,長江就會捐一百二十蚊啦!

Kelly Chu

hd